Жер учаскелері ақысыз негізде меншікке берілетін отандық өнеркәсіп кәсіпорындарының тізбесін бекіту туралы
Қазақстан Республикасы Үкіметінің 2014 жылғы 16 мамырдағы № 497 Қаулысы
Осы редакция 2017 жылғы 23 қарашада енгізілген өзгерістеріне дейін қолданылды
2003 жылғы 20 маусымдағы Қазақстан Республикасының Жер кодексінің 9-бабы 3-тармағының 2-2) тармақшасына сәйкес Қазақстан Республикасының Үкіметі қаулы етеді:
1. Қоса беріліп отырған жер учаскелері ақысыз негізде меншікке берілетін отандық өнеркәсіп кәсіпорындарының тізбесі (бұдан әрі - тізбе) бекітілсін.
2. Облыстардың әкімдіктері Қазақстан Респуликасы заңнамасының талаптарына сәйкес тізбеге енгізілген кәсіпорындарға жер учаскелерін беруді қамтамасыз етсін.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қазақстан Республикасының Премьер-Министрі |
К. Мәсімов |
Қазақстан Республикасы Үкіметінің
2014 жылғы 16 мамырдағы
№ 497 қаулысымен бекітілген
Жер учаскелері ақысыз негізде меншікке берілетін
отандық өнеркәсіп кәсіпорындарының
тізбесі
| р/с № | Кәсіпорын | Инвестициялық жобаның атауы | Өңір |
| 1 | 2 | 3 | 4 |
| 1 | «ЕЖІ» жауапкершілігі шектеулі серіктестігі | Қыш кірпіш өндіру зауытын салу | Ақмола облысы |
| 2 | «Қазатомөнеркәсіп» күкірт қышқылы зауыты» бірлескен кәсіпорны» жауапкершілігі шектеулі серіктестігі | Өндірістік қуаты жылына 180 мың тонна күкірт қышқылы зауытын реконструкциялау | Ақмола облысы |
| 3 | «АЗИЯ АВТО Қазақстан» акционерлік қоғамы | Өскемен қаласында толық циклді автозауыт және автокомпоненттер өндіретін технопарк салу | Шығыс Қазақстан облысы |
| 4 | «СемАЗ» жауапкершілігі шектеулі серіктестігі | «Беларусь-3022ДЦ. 1» тракторын құрастырып өндіру
| Шығыс Қазақстан облысы |
| 5 | «АСІО» акционерлік қоғамы | Цемент зауытын салу | Жамбыл облысы
|
| 6 | «Тараз құбыр зауыты» жауапкершілігі шектеулі серіктестігі | Полиэтиленді құбырлар және тамшылатып суаруға арналған құбырлар шығаратын зауыт салу | Жамбыл облысы
|
| 7 | БиномСтройДеталь» жауапкершілігі шектеулі серіктестігі | «Құрылыс материалдары комбинаты | Жамбыл облысы
|